近日最震撼嘅新聞，可以講係藝人大S因流感離世，引起社會關注。呢個事件亦令網民討論日本，台灣嘅健保制度。部份台灣網民認為如果大S係台灣就醫就會免卻憾事。今日，我哋就嚟比較台灣，日本，同香港人關心嘅英國，三個國家嘅健保制度，探討佢哋嘅優點同缺點，並分析國民同非國民嘅收費情況、私家醫生嘅可行性，以及醫療質素嘅比較。
日本健保制度
日本實行全民健康保險制度，所有居民都需要參加。醫療服務質量高，醫生數量多但留意，日本醫生一般係唔需要英文好，日本醫科係用日語為第一語言。
醫療設施相對地先進，不過，醫療費用持續上升，令健保財政面臨壓力。此外，日本人口老化問題非常嚴重，令醫療需求增加，對制度造成挑戰。係日本同韓國，胃癌係比較多人患嘅疾病。
台灣健保制度
台灣嘅全民健康保險制度自1995年開始實行，提供廣泛嘅醫療服務，民眾滿意度高。由今次台灣網民嘅聲音可以睇得出，台灣人係對自己健保好有信心，就如投共藝人黃安，都要一邊唱好大陸一邊用台灣健保。
台灣醫療費用相對低廉，醫療資源分配均衡，無論中西醫都可以用非常親民價錢接受治療。但係，同日本一樣，面對醫療費用持續上升，令健保財政面臨壓力。
英國健保制度
英國嘅國民健康服務（NHS）由政府資助，提供免費醫療服務。係移民英國港人中比較熱門嘅討論話題。
英國醫療服務質素高，醫療設施先進，不少先進儀器都係由英國大學研究及開發。
同香港唔同，香港只有兩間醫學院，而根據最新數據，英國有四十五間醫學院，所以醫生數量相對冇咁缺乏。但係，同之前提及嘅日本，台灣一樣，因為醫療費用持續上升，令健保財政面臨壓力。此外，最多人擔心嘅就係等待時間較長，部分地區醫療服務質量較低。
國民與非國民收費
喺日本，所有居民都需要參加國民健康保險，無論係日本國民定係外國人。外國人如果持有有效嘅在留資格，亦需要加入。醫療費用方面，患者只需負擔30%，其餘由保險支付。但係，外國人如果冇加入保險，可能需要自行支付全部醫療費用。
台灣嘅健保制度主要針對國民，但外國人如果持有有效嘅居留證明，亦可以參加。醫療費用方面，患者只需負擔部分費用，剩餘由健保支付。同樣地，外國人如果冇加入健保，可能需要自行支付全部醫療費用。
英國嘅NHS主要服務英國國民，非國民就得支持IHS先可以免費用NHS服務。係英格蘭地區，拎藥係需要額外付費。
私家醫生代替
喺日本，私家醫生（即自費醫療）係存在嘅，但大部分人都選擇使用公立醫院或診所，因為公立醫療服務質量高，費用低廉。私家醫生嘅費用相對較高，並且唔係所有醫療服務都可以喺私家醫生嗰度獲得。
台灣亦有私家醫生，同日本一樣，大部分人都選擇使用公立醫療機構，因為公立醫療服務質量高，費用低廉而且私家醫生並唔會同公立醫生一樣可以提供較複雜嘅治療。
英國嘅NHS主要提供公立醫療服務，但亦有私家醫生。私家醫生除咗貴，同樣唔係所有醫療服務都可以喺私家醫生嗰度獲得，較複雜嘅治療都係由NHS跟進。而大部分人都選擇使用NHS嘅服務，因為跟進病情都比較方便。
醫療質素比較
就如前文提及，日本醫療質素高。雖然日本醫生唔需要高程度英語水平，但係國際上日本嘅醫療水平係得到認可。日本醫科生完成六年學位課程後，參加National Medical Practitioners Qualifying Examination (NMPQE)考試先可以成為醫生。係2023年，世衛評價日本醫療水平為第一。
台灣嘅健保係世上少數得到讚揚嘅健保系統。醫療水平上，因世衛並冇將台灣視為獨立國家而並冇排名。不過從醫療器材同國民壽命等可以睇到，台灣醫療水平並唔差。而且仲有高水準嘅中醫。因為歷史關係，相對正統嘅中醫知識都流傳係台灣。
英國嘅醫療有人話差，有人話好。英國國民對NHS抱有較負面嘅睇法。而睇返英國嘅醫療水平，其實係藥物同器材上算相對先進。
總結
日本、台灣同英國嘅健保制度各有優點同缺點。不過最起碼唔需要全面依賴私家醫生，最後就只有保險公司成最大贏家。
