下山的路上，暖氣在車廂內靜靜流淌，卻吹不散那股從腳底竄上來的涼意。Daisy 握著方向盤，目光直視前方，剛才那個少女的身影在腦海中像揮之不去的殘影。 「Alex，」Daisy 轉動方向盤，語氣中帶著一絲探詢，「頭先個女仔答你謎語個樣，唔似係一般嘅少女。佢眼神入面有一種好古老嘅哀傷，好似佢等嘅唔係 Jeremy，而係一啲過咗期好耐嘅嘢。」她頓了頓，忽然帶點調皮地斜視了 Alex 一眼，半開玩笑地問：「喂，大佬，你話……個女仔會唔會根本唔係人呀？」 坐在副駕位的 Alex 看著窗外倒退的街燈，神情深沉得像一潭死水。「喺呢個世界上，有時人比唔係人嘅嘢更得人驚。」他低沉地回答，聲音裡透著一種看透世事的滄桑。 這份滄桑，是從他那個充滿矛盾的童年開始積累的。 在他的記憶裡，爸爸是一位極其威嚴的男士，是一間基督徒名校的小學校長，更是教會的長老。當時他們住在一個高尚住宅區，出入的都是社會名流。然而，高家卻經常有一些衣衫襤褸、神情哀戚、甚至帶著陣陣窮酸味的人出入，這與那裡的格調極其不符。 鄰居們私下議論紛紛，甚至有人向物業管理處投訴，指責校長家裡「藏污納垢」，要求報警處理，更威脅物管要向法庭申請「釘契」。 面對這些足以摧毀名譽的指控，那位校長爸爸展現出驚人的強硬。他站在大門口，擋住那些氣勢洶洶的鄰居，冷靜而輕蔑地說：「每個人都有落難嘅時候。呢度係我嘅地方，入嚟嘅都係我太太嘅客人。如果你哋連對呢間屋嘅女主人最基本嘅禮貌都做唔到，我就無必要同你哋講禮貌。有問題，叫你哋律師同我傾。」 爸爸用他的名譽和地位，為那個身為「問米」靈媒的妻子撐起了一片天。他經常叮囑 Alex 兩兄弟：「你哋媽咪為咗呢個家付出咗好多你哋想像唔到嘅嘢，如果連我哋都唔保護佢，佢就真係無依無靠。」...
