初來報到，小弟Meritokratias係賢人政治主義者，獲邀寫文章，先打個招呼。
第一個題目我就已經要打算顛覆大家一些既定既思想。當撈侵上任，英國呢邊就史塔麥，咁係唔係就等於美國右翼主義抬頭，而英國又叫急轉彎向左轉呢？不論你立場如何，你不能否認爾今係政治風雲變色時代，新既思想係的確正在上演，而左右到底係咩意思？其實有99%人都會撈撈亂。
其實爾今既「左翼」政治，包括英國工黨、美國民主黨，其實係右翼。當撈侵都係右翼，但比較起來卻有一些較左既想法。亂，就係咁來。
返回基本步，左右翼政治既由來，就係由法國議會雅各賓派同基隆特派分別坐係議會左右而定名。左翼係講支持貧苦大眾，右翼就係保王黨、想仍然由貴族統治，只係慢慢加入民主元素。到後來馬克思主義出現，社會學更加懂得將社會上下階級分門別類，有謂「生產力提供者」同「生產力擁有者」之分，左派撐工人、工會，右派撐僱主、廠家、商家。
到馬克思體系既社會學開始成熟後，我地就知基本上左派係要爭取社會向上流動力，學派亦稱為衝突派，當中提出用來將社會分化成為不同等分，然後靠衝突來將社會資源分配既理論就係叫 Critical Theory 。而右派則反對社會向上流動性，認為每個人係社會內都係一隻齒輪，齒輪一走位，機器就行唔郁，所以保守、反對社會有過度既流動性，認為競爭係壞事，最穩定既社會必然就係一個結構完整，由政府領導、商家壟斷既生態環境。
但如果大家有涉獵過香港上一年代談論既「永續社運」說﹝好似係根叔講的﹞，就不難發現原本既左派由支持平民大眾，忽然開始支持小數族裔，後來更加發明否定 Critical Theory 既 Critical Race Theory ，認為只要一個人係白人，佢就算係貧民，佢都係一個壓迫者，而一個黑人富人，純粹因為佢係黑人就必然係被壓迫既人。基本上 CRT 就係否定左 CT ，因為 CT 必須要係錯誤，先有可能係令主要既衝突由貧富轉為種族。原因就好簡單：永續社運、養寇自重。但食隨知味，就開始越煲越多，無謂點名，大家明白。
但以上議題其實根本上全部都係右翼。首先，種族平等唔係由民眾福利開始推行，而係由一些跨國大企業控制言論，去令任何言詞上不符合思想既人驅除，而種族配額僱用制度亦係由大企業開始推行先。女權，亦係由大企業推行；變性人主導遊戲產業、歷史錯誤既種族人士擔任電影角色、歷史人物變成女人、高級官員由女性擔任而慶祝，一切都係以大企業限制言論呢一條橋來推動，或者係大企業所拍既影視劇集、大企業所營運既網絡平台。變性手術既醫生由大企業醫生擔任，變性過程所用既藥物由大企業所生產及售賣，手術後各種藥物都係由大企業生產同售賣，由政府資助。
所以每一環、每一節都係大企業既身影，由大企業承擔社會運動、由大企業決定咩係真相、咩野要 Fact Check 、由大企業提供撩鼻棒、藥物、科技。
所以所謂既「左翼」係少少左翼成份都無。人類其實只係韭菜。中國人既各位兄弟們有個詞語我好認同：人礦。每個人只係金礦，由大企業不斷挖挖挖。
其實你爭取民主有咩用？個公園原本係由政府管理，民主參與後，公園只受由議會所通過既法律所管轄。但原來公園已經無哂，因為大企業過左來買地發展，區內唯一休憩用地係商場內既一個小空間，法律只係參考，實際上就係大企業管理公司自己定下既「私人地方」規則，不受法律約束。
網絡，你認為自由？你認為只有自己國家法律管制你？唔好意思，Facebook係由大企業擁有，Instagram係由大企業擁有，「對家」既X都係一家大企業、Reddit背後既資金路線更加明顯。你犯規，你以為會有公正審訊？會有陪審團？會有辯護機會？會首先假設你無罪，有 Praesumptio Innocentiae ？唔好意思，一個企業社員低級員工已經可以將你禁言、審判、取消，你辯解？已讀不回你，佢更加唔會無啦啦為你 Escalate 去佢經理。
左翼？一啲都唔左。所以左右政治已經失去意義。我下一集講下到底新世界將會進行乜野秩序。
📢 加入《英國生活時事台》（DOVC.co.uk）社群！ 🇬🇧
👋 想掌握英國最新生活資訊、新聞時事、政策變化，或與在英夥伴交流經驗？歡迎加入 英國生活時事台（DOVC.co.uk），一起討論、分享有用資訊！
📌 社群特色：
✅ 即時更新英國時事與政策
✅ 交流英國生活、移民、工作、學習等資訊
✅ 與志同道合的朋友互相幫助
📲 立即加入我們！
🔹 WhatsApp 群組 👉 點此加入
🔹 Facebook 粉絲專頁 👉 關注我們
歡迎你的加入，一起探索英國生活！🎉
Author: Meritokratias
謎樣人物，因為討厭政治所以特別對政治氣味敏感，教育背景有資訊科技、音樂、教育等，愛好拉丁希臘古文、社會科學、陰謀論、基督教神學。請不要低估我的自閉症。 Mysterious figure, having developed an aversion to politics and therefore the nose to detect political schemes, educated in Information Technology, Music and Education, usually hyperfixated in Romantic and Hellenic literature, social sciences, conspiracy theories and Christian theology. Do not underestimate my autistic powers.
謎樣人物，因為討厭政治所以特別對政治氣味敏感，教育背景有資訊科技、音樂、教育等，愛好拉丁希臘古文、社會科學、陰謀論、基督教神學。請不要低估我的自閉症。
Mysterious figure, having developed an aversion to politics and therefore the nose to detect political schemes, educated in Information Technology, Music and Education, usually hyperfixated in Romantic and Hellenic literature, social sciences, conspiracy theories and Christian theology. Do not underestimate my autistic powers.
- Meritokratias
- Meritokratias
- Meritokratias
- Meritokratias
