所謂 Controlled Oppositions ，並不是話其實有啲人係鬼，佢收左錢所以佢講啲鬼野去水人，而其實本身成個佈局就係一場整體既佈局，令人民鬥人民。
首先講，係高達入面，阿拉哈姆電子為連邦同自護兩邊同時提供軍售；現實世界，某一銀行大亨基本上由拿破崙戰爭開始就已經買兩邊；之前有Facebook內部員工爆料，話其實Facebook既版塊管理制度本身就係希望多人嗌交爭鬥，因為咁樣易引流量。
其實咩叫買兩邊？就係假設某一個莊家開局，只要你跟住某一種對沖對策去買，只要任何兩枝球隊一踢波，不論邊一隊贏，你都會賺錢，咁你識得呢個對沖對策，你唯一只會希望既就係開多幾場，平時聯賽以外都最好踢多幾場友誼賽、練習賽、表演賽，總之有賽事你就會賺錢。
而世界上，某些對沖基金就係以政治鬥爭賺錢。因為只要政治鬥爭越激烈，雙方既矛盾衝突越大，呢啲既企業同對沖基金就會賺，而且唔只係賺錢咁簡單，佢地亦能好容易儲到好多資訊、大數據，以助日後更容易計劃點賺錢。
如果我地將一堆石頭，大細、重量不同，隨機放係個滕籃上搖，啲石係永遠唔會自然組成兩邊，如果真係有一些特性令某些石頭易黐埋一齊都好，始終留係正中心既石一定係最多。如果我地發現石頭堆砌成兩邊，中間無乜，而且見唔到第三邊，我地基本上就可以肯定個佈局係由人工而成。
而佈局既工具就係 Social Media 、傳統傳媒。
講到好似好大陰謀咁，其實真係學好多19才子講 Follow the money 。而咩叫 Follow the money ？就係要睇下到底背後其實係乜人控制，而且控制既多數係一些大企業、銀行同對沖基金。而只要左右衝突係跟隨住劇本：正反雙方都按照對沖所指定既劇本進行，左派一定要合乎左派政治正確，右派一定要合乎所謂右派指定既一些「特性」，全部冠名為納粹、恐同、恐怖份子，而任何不乎合左或右主流既意見都被滅聲，因為對沖政策只能容許乎合原本設定進行。
例如咩叫左右對沖？舉例之前有話，左派反對某一隻過左專利期既藥物，過左專利期即係製藥企業賺唔到幾多啦。咁左派就反對，而當時就強力將右派講成係陰謀論者，並且講到佢地會去搵馬用既版本去服用，而且有蘋果味，食完就死埋所以好蠢好盛。而所以離開呢一對對立既關係既說法，都會被快速認定，封鎖、封殺。其實從來不存在乜野雙重標準定係乜野，而從來只能容許最初設立既對立兩邊，左派一定要儲齊幾種身分buff，右派就一定要仇恨某些人種、性傾向，所有無綾兩可或者係獨立思考既，反而就會被快速封殺，最後就令人錯覺，左就一定係咁、右就一定係咁。
再加上上一篇文章講既左右混亂設定，更加奠定戰場佈局話事人既身分：佔領主流對立既兩派，只可以按照對沖莊家所設定既進行，故此佢地就係要你混亂，要你服從佢地既定義。
所以我仍然認為大家應該開眼，抽離左右鬥爭先可以真正睇得到操縱棋盤既敵人。
📢 加入《英國生活時事台》（DOVC.co.uk）社群！ 🇬🇧
👋 想掌握英國最新生活資訊、新聞時事、政策變化，或與在英夥伴交流經驗？歡迎加入 英國生活時事台（DOVC.co.uk），一起討論、分享有用資訊！
📌 社群特色：
✅ 即時更新英國時事與政策
✅ 交流英國生活、移民、工作、學習等資訊
✅ 與志同道合的朋友互相幫助
📲 立即加入我們！
🔹 WhatsApp 群組 👉 點此加入
🔹 Facebook 粉絲專頁 👉 關注我們
歡迎你的加入，一起探索英國生活！🎉
Author: Meritokratias
謎樣人物，因為討厭政治所以特別對政治氣味敏感，教育背景有資訊科技、音樂、教育等，愛好拉丁希臘古文、社會科學、陰謀論、基督教神學。請不要低估我的自閉症。 Mysterious figure, having developed an aversion to politics and therefore the nose to detect political schemes, educated in Information Technology, Music and Education, usually hyperfixated in Romantic and Hellenic literature, social sciences, conspiracy theories and Christian theology. Do not underestimate my autistic powers.
謎樣人物，因為討厭政治所以特別對政治氣味敏感，教育背景有資訊科技、音樂、教育等，愛好拉丁希臘古文、社會科學、陰謀論、基督教神學。請不要低估我的自閉症。
Mysterious figure, having developed an aversion to politics and therefore the nose to detect political schemes, educated in Information Technology, Music and Education, usually hyperfixated in Romantic and Hellenic literature, social sciences, conspiracy theories and Christian theology. Do not underestimate my autistic powers.
- Meritokratias
- Meritokratias
- Meritokratias
- Meritokratias
