法律與法理的意義懲罰不幸就是不公

Spread the love

https://news.stv.tv/east-central/bin-lorry-driver-who-killed-boy-cycling-to-school-given-unpaid-work

今日做live 時講過, 但為方便大家share, 再出一個文字post。

11 歲香港男孩2024年3月1日喺愛丁堡被後退中嘅垃圾車撞到當場死亡, 當事人司機認罪後被判133小時社會服務令及停牌12個月。呢單係一單令人傷心的新聞, 但呢兩日見各港人page 留言一大堆「一條命值淨係值133個鐘?」、「一條命, 但監都唔駛住, 英國真係得啖笑」、「香港人撞死英人就坐監, 英國人撞死香港人就唔駛坐, 擺明歧視啦」、「香港人去到邊都係三等公民」。

雖然呢單新聞真係好慘, 但悲情還悲情, 法律還法律。如果不問過程, 下下都用「殺人填命」、「以牙還牙」嘅思維去睇一件事, 咁永遠都唔會理解到法律係點運作。Tragic 嘅新聞永遠都係最有話題性。既然有呢個機會, 我地就比較一下因為「不小心駕駛」而導致他人死亡嘅法律上, 英格蘭 v 蘇格蘭 v 香港有咩分別。

先講香港。香港法律好多都係跟英國, 包括交通相關法律。香港法律下係冇「不小心駕駛引致他人死亡」。假設你揸車撞死人, 你一係就俾人告不小心駕駛, 一係就告危險駕駛引致他人死亡。香港法例第374章第38條下不小心駕駛最高刑罰係處第二級罰款+ 監禁6個月。大家如果有喺香港俾人告過不小心駕駛都只係扣分+罰錢了事, 除非你大把錢或者係林作否則通常自己上庭認左就算。當然, 如你撞死人, 咁香港法庭一樣會判監禁式刑罰。如果危駕撞死人, 咁就係第五級野款 + 監禁10年。

至於英格蘭同蘇格蘭, 兩地雖然同一國家但法律唔同, 法律制度都唔同。不過交通法律係相同的, 撞死人都係受Road Traffic Act 1988 管轄。大家留意到香港法律下, 不小心駕駛同危險駕駛導致他人死亡兩者最高刑罰之間有一個好大嘅空間 (6個月 v 10年), 所以你需唔需要坐監, 坐幾耐監就視乎你律師有冇方法幫你危險打到變不小心駕駛。英國同樣有呢個問題, 所以十幾年前為左填補呢個空間, 訂立左Road Safety Act 2006, 新增左一條「不小心駕駛引致他人死亡」嘅罪 (Causing Death by Careless, or Inconsiderate, Driving), 相關法律而家係Road Traffic Act 1988 第2B條。相關罪行刑罰列於Road Traffic Offenders Act 1988 Schedule 2, 不小心鴐駛導致他人死亡最高刑罰係五年監禁。

拿你睇下要坐5年呀, 而家一日都唔駛住仲唔係歧視香港人!? 咪住, 英格蘭同蘇格蘭刑事定罪判刑時, 其實係會參考Sentencing Council 嘅判刑指引 (蘇格蘭就係Scottish Sentencing Council)。英格蘭嘅指引喺度:-
https://www.sentencingcouncil.org.uk/offences/magistrates-court/item/causing-death-by-careless-or-inconsiderate-driving/
通常我地睇sentencing guidelines, 會見到一條罪行要判幾重係視乎 (1) culpability, 即係個犯人有幾可惡, 同埋 (2) harm, 即係個罪行造成左幾多傷害。但不小心駕駛導致死亡個harm 係唔係都係一條生命嘅流逝, 所以量刑基準就只係睇culpability。最輕嘅category, 量刑starting point 係26星期監禁。不過留意呢個雖然係量刑起點, 但其實係一個可加可減機制, 愈多aggravating factors (加刑因素) 就會重啲, 多mitigating factors (減刑因素) 就會輕啲。

Scottish Sentencing Council 嘅sentencing guidelines 喺呢度:-
https://www.scottishsentencingcouncil.org.uk/media/ytuhsy0m/statutory-offences-of-causing-death-by-driving-sentencing-guideline.pdf
蘇格蘭因為同英格蘭法律唔同, 所以佢地法律上有好多野即使concept 一樣但佢地就係會用唔同嘅terminology (我懷疑係因為民族自豪感)。所以英格蘭嘅Culpability 佢地就叫做Seriousness。第15頁會見到3個seriousness categories 嘅量刑起點。Level C 係最輕 – 最高刑罰係罰款 up to 10,000鎊或者 level 2 community payback order (即係社會服務令之類), 但即使係category B, 都係唔需要坐監, 要去到最嚴重嘅case (Level A) , 先有最高監禁2年呢個upper limit。當然, 如果係一單Level A 案件, 又充滿Aggravating Factors, 法官 (蘇格蘭嘅法官叫Sheriff, 所以見到呢個字唔好以為係警長) 係有權判高過2年, 但好難。

所以睇返Thomas Wong 小朋友呢單case, STV News 個報導係最詳細。

報導指出: (1) Thomas 踩單車路過停車場出口時, 被倒後中嘅垃圾車撞到; (2) 當時垃圾車後退速度係 7.5mph; (3) 證據顯示當時司機Ross Wallace 曾留意停車場四周, 但之後一直留意右方觀察有冇其他車輛接近, 但冇留意左方; (4) 聽到聲音後Wallace冇為意撞到人, 直到同事大叫佢先停低, 然後發現Thomas 倒卧地上, 當時垃圾車已輾過Thomas, 造成致命傷害; (5) 報告指出Thomas 當時未有觀察停車場有否車輛出入; (6) 證據顯示Wallace 曾多次使用手提電話, 但撞到Thomas 時並無使用手提電話。

Daily Mail 新聞有提及Wallace 背景:-
https://www.dailymail.co.uk/news/article-15024027/Bin-lorry-driver-ran-killed-schoolboy-cycled-pavement.html
Wallace 並無刑事定罪記錄, 為四個小孩的父親。

基於上述案情, 可以推斷出:-
(1) 以下因素法官未有納入量刑考慮因素: (a) Thomas 冇睇路; (b) Wallace 左方視線受植被阻礙
(2) Thomas 死亡直接原因係因為Wallace 冇留意垃圾車左方有冇人路過

新聞報導冇提及案件被定義係咩 Seriousness Category, 但考慮案情, 多數係C (Careless or inconsiderate driving arising from momentary inattention), 頂盡係B (Careless or inconsiderate driving which does not fall into level A or C), 一定唔會係A (Careless or inconsiderate driving which falls not far short of dangerous driving)。即係話量刑起點係Fine of up to £10,000 – level 2 community payback order (Level C), 或者 (Level 2 community payback order)。Level 2 Community Payback Order 即係 101 – 300 小時服務。Wallace 被判133小時服務, 可以理解係相對較輕。判刑亦不難理解, 睇案情, 造成悲劇係因為Wallace 冇留意左方, 亦純粹係呢個原因, Wallace 亦無過往刑事定罪記錄, 基本上係冇任何加刑因素去重判, 相反佢認罪, 後悔, 加上係4位小孩之父, 呢d全部都係法庭會考慮嘅減刑因素。從法律角度去睇, 判刑係正常。

大家可能對比英格蘭同蘇格蘭嘅Setencing Guideline, 會覺得蘇格蘭明顯輕d, 呢個可能係事實, 但如果大家去search 下新聞, 基本上即使係英格蘭嘅case, 不小心駕駛撞死人嘅案件10單有9.5單都唔駛坐的。但因為量刑起點唔同, 所以英格蘭案件基本上好多都有監禁刑罰但會緩刑, 所以都係唔駛坐。會坐嘅案件, 一係危駕, 一係藥駕酒駕, 一係無牌/無保險, 呢啲因為係同時觸犯左更嚴重嘅罪行, 所以先判監。

雖然大家包括本人都對呢單案件感到婉惜, 但大家要了解不幸同不公嘅分別。如果A同B, 都係因為一時分神而撞車, 分別在A係撞到柱而B係撞到人, 但A就罰500蚊而B係坐5年, 咁大家對呢個分別會點睇? 係咪真係就咁一句殺人就填命就代表真正公平?

最後, 就係其實大家係唔需要下下都拎Race Card出黎的, 不要成為自己最討厭的人。

English Version : The Disparity of Legal Consequences in Traffic Fatalities: An Analytical Overview

有關平權文章：

就讓我們提醒工黨中英聯合聲明的真正意義

 殖民與通縮被遺忘的香港人以及一場遲來的問責

 在英港人的平權之路從提問與獨立思考啟程

 BNO Equality Advocacy (中英對照) – Frequently Asked Questions on Achieving Rights & Justice

BNO 平權之路 – 在人民質素的荊棘中前行

 眾籌Link ： https://gofund.me/042d7e3c

📢 加入《英國生活時事台》（DOVC.co.uk）社群！ 🇬🇧

👋 想掌握英國最新生活資訊、新聞時事、政策變化，或與在英夥伴交流經驗？歡迎加入 英國生活時事台（DOVC.co.uk），一起討論、分享有用資訊！

📌 社群特色：
✅ 即時更新英國時事與政策
✅ 交流英國生活、移民、工作、學習等資訊
✅ 與志同道合的朋友互相幫助

📲 立即加入我們！

🔹 WhatsApp 群組 👉 點此加入
🔹 Facebook 粉絲專頁 👉 關注我們

歡迎你的加入，一起探索英國生活！🎉

Author: Henry

黃律師於2014年成為香港執業律師，2018年取得英格蘭及威爾斯執業律師資格，2024年取得愛爾蘭註冊律師資格，並於2025年獲得蘇格蘭律師資格。黃律師精通廣東話、普通話、英語及日語，擅長處理多項法律事務，包括家事法（尤其於離婚、財產分配及子女撫養權安排方面經驗豐富）、刑事訴訟、民事訴訟，以及國際法（專注於人權及刑事領域）。此外，黃律師亦處理各類移民相關事宜，包括難民申請、定居及入籍申請、工作簽證申請等，並積極於英國舉辦BNO定居及入籍講座，為有需要的社群提供專業資訊。黃律師熱心公益及地區事務，現為 Hong Kong Professionals CIC (hkpcic.org.uk) 及 Descendants of Victoria City (dovc.co.uk) 的創辦人，積極參與社區建設，並對不同人權議題持續發聲。目前，黃律師擔任香港 David Fenn and Co. 律師行及英國 Perilli & Ho Solicitors 律師行的顧問律師，同時也是蘇格蘭 Jones Whyte Solicitors 的合作夥伴。其執業範圍廣泛，涵蓋香港及英國住宅及商業物業買賣、移民入境事務、各類民事及刑事訴訟、商業及合約事宜、家庭糾紛、遺囑及遺產處理，以及人權法等。工作之餘，黃律師熱愛運動，擔任業餘足球隊的守門員。同時，他也對品酒情有獨鍾，對各類酒品均有深入研究，更擅長調製各式雞尾酒。 Henry Wong qualified as a solicitor in Hong Kong, England and Wales, Ireland and Scotland respective in 2014, 2018, 2024 and 2025. Henry is fluent in Cantonese, Mandarin, English, and Japanese, and he specialises in a broad range of legal matters, including family law (possessing significant experience in divorce, assets division, and child arrangements), criminal litigation, civil litigation, and international law, with a focus on human rights and criminal law. He additionally manages various immigration-related matters, encompassing refugee applications, settlement and naturalisation applications, work visa applications, and actively conducts BNO settlement and naturalisation seminars in the UK to provide professional information to communities in need. Henry Wong is dedicated to public welfare and community affairs. He is currently the founder of Hong Kong Professionals CIC (hkpcic.org.uk) and Descendants of Victoria City (dovc.co.uk), where he actively participates in community building and consistently advocates for various human rights issues. At present, Henry serves as a consultant solicitor for David Fenn & Co. in Hong Kong and Perilli & Ho Solicitors in London....

Henry

黃律師熱心公益及地區事務，現為 Hong Kong Professionals CIC (hkpcic.org.uk) 及 Descendants of Victoria City (dovc.co.uk) 的創辦人，積極參與社區建設，並對不同人權議題持續發聲。

目前，黃律師擔任香港 David Fenn and Co. 律師行及英國 Perilli & Ho Solicitors 律師行的顧問律師，同時也是蘇格蘭 Jones Whyte Solicitors 的合作夥伴。其執業範圍廣泛，涵蓋香港及英國住宅及商業物業買賣、移民入境事務、各類民事及刑事訴訟、商業及合約事宜、家庭糾紛、遺囑及遺產處理，以及人權法等。

工作之餘，黃律師熱愛運動，擔任業餘足球隊的守門員。同時，他也對品酒情有獨鍾，對各類酒品均有深入研究，更擅長調製各式雞尾酒。

Henry Wong qualified as a solicitor in Hong Kong, England and Wales, Ireland and Scotland respective in 2014, 2018, 2024 and 2025. Henry is fluent in Cantonese, Mandarin, English, and Japanese, and he specialises in a broad range of legal matters, including family law (possessing significant experience in divorce, assets division, and child arrangements), criminal litigation, civil litigation, and international law, with a focus on human rights and criminal law. He additionally manages various immigration-related matters, encompassing refugee applications, settlement and naturalisation applications, work visa applications, and actively conducts BNO settlement and naturalisation seminars in the UK to provide professional information to communities in need.
Henry Wong is dedicated to public welfare and community affairs. He is currently the founder of Hong Kong Professionals CIC (hkpcic.org.uk) and Descendants of Victoria City (dovc.co.uk), where he actively participates in community building and consistently advocates for various human rights issues.
At present, Henry serves as a consultant solicitor for David Fenn & Co. in Hong Kong and Perilli & Ho Solicitors in London. He is also a legal link partner with Jones Whyte Solicitors in Scotland. His practice area is extensive, encompassing the sale and purchase of residential and commercial properties in both Hong Kong and the United Kingdom, immigration matters, various civil and criminal litigation cases, commercial and contractual matters, family disputes, wills and estate administration, as well as human rights law.
Outside of his professional commitments, Henry Wong enjoys sports and is a goalkeeper for an amateur football team. He also possesses a passion for wine, possesses a deep understanding of various types of alcoholic beverages, and is skilled in making cocktail.