「你真係唔做？」
「真係冇人要咩？」
「你行到咁前都唔做，其他人咁點？」
「你有咁多資源都唔做？」
「呢度真係好精緻⋯」
好多好多問題，
我好記得、好清楚，
亦好感受到每一位的心情。
因為呢啲問題，
我反覆諗咗十幾年，
每日都喺腦入面浮現，
入血入骨。
但係，執嘢唔需要太多情感。
由零到一的創造
「你真係當呢件事係生意咁做喎。」
十數年前，在JCCAC有位路人甲咁講，
至今我都記得好清楚。
係呀，我真係當生意咁做。
靠自己嘅資本，
一手一腳，將一個原本唔存在嘅市場，開拓出嚟。
生意營運本來就係中性：
靈活、快速，
只要唔違背文化原則，
就應該因應市場需要持續發展。
風險？我自己一力承擔，
最多就係輸咗一層樓。
路人甲心目中所謂嘅「文創」，
好似應該係吸風飲露，
有資助、有金主送上門；
文藝一加上金錢就係萬惡。
佢自己又做咩？扮工、炒股、炒樓。
但金錢，只係工具，
本身都係中性。
「呀，買一隻返去當櫈坐都好喎。」
——路人甲如是說。
「請過主。」
最難做嘅唔係生意，而係……
呢盤生意難做之處，
唔淨止係複雜嘅人事管理，
而係後來者的割喉競價。
我一直期待有高質素嘅參與者入場，
一齊創造新價值，一齊進步。
可惜，結果只係越鬥越平，
同一件事，做得愈來愈廉價，
內容冇提升、格調冇維持、熱情慢慢磨蝕。
真．亞洲第一
下圖隻鼓，170cm高，
非洲王室專用，
亞洲第一隻，
亦可能係唯一一隻。
歷來只出過兩次演出：
2018 年《饑饉三十》、
2019 年《花車巡遊》。
亞洲第一，係打出嚟，唔係口號吹出嚟。
出錢、出力、出時間，
有血、有汗、有淚。
一手搞出嚟，就要一手收拾
呢壇嘢，係我一手搞出嚟，
就由我自己一手收拾。
#最後的最後
#執野有感
Author: Linus
- Linus
- Linus
- Linus
- Linus
